პარი სენ-ჟერმენს ბარსელონას ექს-ფეხბურთელის შეძენა შესთავაზეს

„ბარსელონას“ ექს-ფეხბურთელი და ამჟამად სანქტ-პეტერბურგის „ზენიტის“ შემტევი შესაძლოა ლიგა 1-ში ვიხილოთ.

Relevo-ს ჟურნალისტის, მატეო მორეტოს ინფორმაციით, 25 წლის ფეხბურთელის შეძენა „პსჟ-ს“ შესთავაზეს.

მალკომმა მიმდინარე სეზონში „ზენიტის“ მაისურით 23 მატჩში 15 გოლი და 7 საგოლე გადაცემა მიითვალა, მისი კონტრაქტი რუსეთის გუნდთან 2027 წლამდეა გათვალისწინებული.

ჯერჯერობით უცნობია, რა პოზიცია უკავია „პარი სენ-ჟერმენს“ მალკომის შესაძლო ტრანსფერთან დაკავშირებით.