უსმან დემბელემ მორიგი ტრავმა მიიღო

„ბარსელონას“ ვინგერმა უსმან დემბელემ „ჟირონასთან“ გამართულ კატალონიურ დერბიში ტრავმა მიიღო.

ხავის გუნდმა სტუმრად 1:0 იმარჯვა, ერთადერთი გოლი შეცვლაზე სწორედ დემბელეს ნაცვლად შემოსულმა პედრიმ 61-ე წუთზე გაიტანა.

ფრანგმა ფეხბურთელმა 22-ე წუთზე ფლანგზე გარღვევის განხორციელება სცადა და მარცხენა ბარძაყი დაიზიანა, რის გამოც მოედნის დატოვება 26-ე წუთზე მოუწია.

ამ სეზონში დემბელემ ლა ლიგის 17 მატჩში 5 გოლი და 5 ასისტი მიითვალა.

უახლოეს რამდენიმე დღეში უფრო კონკრეტულად გვეცოდინება, რამდენი გაუცდება დემბელეს და რამდენად მძიმეა მისი დაზიანება.