მანჩესტერ იუნაიტედმა ნახევარმცველი სამი თვით დაკარგა
„მანჩესტერ იუნაიტედის" ნახევარმცველმა, კრისტიან ერიქსენმა, მძიმე დაზიანება მიიღო.
კლუბის პრესსამსახურის ინფორმაციით, დანიელმა, რომელმაც ინგლისის თასზე „რედინთან" მატჩში მოედანი 57-ე წუთზე დატოვა, ენდი კეროლის ვარდნის შედეგად ტერფი დაიზიანა.
თავდაპირველმა ტესტებმა აჩვენა, რომ ერიქსენის ტრავმა საკმაოდ მძიმეა და ფეხბურთელს დაახლოებით 3 თვე გაუცდება, რაც იმას ნიშნავს, რომ მოედანზე დაბრუნებას აპრილის ბოლომდე ვერ მოახერხებს.
მიმდინარე სეზონში ერიქსენმა „ემიუს" მაისურით 31 მატჩში ყველა ტურნირზე 2 გოლი და 9 საგოლე გადაცემა მიითვალა.