"მის აგენტს კონკრეტულად ვუთხარი", - ბაიერნის დირექტორმა რონალდუს ტრანსფერზე უარის თქმის მიზეზი დაასახელა

„ბაიერნის“ სპორტულმა დირექტორმა, ჰასან სალიჰამიჯიჩმა ისაუბრა, თუ რატომ თქვა კლუბმა კრიშტიანუ რონალდუს ტრანსფერზე უარი.

„ჩვენ რონალდუზე ვილაპარაკეთ, მაგრამ მის აგენტს კონკრეტულად ვუთხარი: „ჩვენთვის ეს შეუსრულებელი ამოცანაა.“

ეს „ბაიერნის“ ფილოსოფიას არც ფინანსური და არც სპორტული თვალსაზრისით არ უხდებოდა. უბრალოდ საჩვენო არ იყო.“, - აღნიშნა სალიჰამიჯიჩმა ინტერვიუში.

პორტუგალიელი ფორვარდი „მან იუნაიტედთან“ კონტრაქტის გაწყვეტის შემდეგ საუდის არაბულ „ალ ნასრში“ გადავიდა.