რომას სპორტულმა დირექტორმა ზიეჩის ჩაშლილ ტრანსფერზე ისაუბრა

„რომას“ სპორტულმა დირექტორმა, ტიაგუ პინტუმ აღიარა, რომ კლუბი „ჩელსიდან“ ჰაკიმ ზიეჩის გადაბირებას ცდილობდა.

სატრანსფერო ფანჯრის ბოლო დღეს მაროკოელი „პსჟ-ში“ გადასვლასთან ძალიან ახლოს იყო, ტრანსფერი საბუთების დაგვიანების გამო ჩაიშალა. თუმცა, იქამდე ის კინაღამ „რომაში“ აღმოჩნდა.

„ჰაკიმ ზიეჩი ჩვენი ერთ-ერთი სამიზნე იყო. აგენტებთან და „ჩელსის“ წარმომადგენლებთან მოლაპარაკებები ვაწარმოეთ, მაგრამ გარიგება ჩაიშალა.

ჩვენ სხვა სამიზნეც გვყავდა, მაგრამ არაფერი გამოგვივიდა, რადგან ნიკოლო ძანიოლომ „ბორნმუთში“ გადასვლა იუარა.“, - ციტირებს პინტუს სიტყვებს ფაბრიციო რომანო.