დიბალამ შესაძლოა რომა დატოვოს და პრემიერ ლიგის გუნდს მიაშუროს

როგორც Calciomercato-სთვის გახდა ცნობილი, "ნიუკასლს" 29 წლის თავდამსხმელის შეძენა სურს. "კაჭაკები" მზად არიან მანჩესტერ "იუნაიტედთან" ფეხბურთელისთვის ბრძოლაში შევიდნენ.

აღსანიშნავია, რომ დიბალას კონტრაქტი მოიცავს 12 მილიონ ევროს გამოსყიდვის პუნქტს. ის ხელმისაწვდომია იტალიის ჩემპიონატის გარეთ მყოფი კლუბებისთვის.

პაულო "რომაში" ტურინის "იუვენტუსიდან" გასულ ზაფხულს თავისუფალი აგენტის სტატუსით გადავიდა. მხარეებმა კონტრაქტი 2025 წლის ზაფხულამდე გააფორმეს.

არგენტინელმა მიმდინარე სეზონში სერია A-ში 16 მატჩი ჩაატარა, რვა გოლი გაიტანა და 6 საგოლე გადაცემა გააკეთა.