პოტერი: "სახლში 0:1 წაგების შემდეგ ყველა კრიტიკა გასაგებია, ახლა ბევრი იტყვის, რომ პრობლემა ჩემშია"

„ჩელსის“ მწვრთნელმა, გრემ პოტერმა, „საუთჰემპთონთან“ საშინაო მარცხის (0:1) შესახებ ისაუბრა.

„სახლში 1:0 წაგების შემდეგ ნებისმიერი კრიტიკა გასაგებია. ბევრი პრობლემა შეგვექმნა ახალი ფეხბურთელების ინტეგრაციასთან და ტრავმებთან დაკავშირებით.

ბევრი იტყვის, რომ პრობლემა ჩემშია და მე არ ვაპირებ თქმას, რომ ასე ლაპარაკი არ ღირს. ჩემი საქმე - მუშაობაა.“, - აღნიშნა პოტერმა.

„ჩელსიმ“ ბოლო 10 მატჩში 1 გამარჯვება მოიპოვა, პოტერის გუნდს უკვე 5-მატჩიანი მოუგებელი სერია დაუგროვდა.