ადრიანო გალიანი: "სუპერლიგა უკვე არსებობს"

ცნობილმა საფეხბურთო ფუნქციონერმა ადრიანო გალიანმა, რომელიც ამჟამად "მონცას" აღმასრულებელი დირექტორის პოსტს იკავებს, უპასუხა შეკითხვას ევროპის უმაღლეს ლიგებს შორის არსებული სხვაობის შესახებ.

"სუპერლიგა უკვე არსებობს და მას პრემიერ ლიგა ჰქვია. მე იმდენი ხანი ვარ ფეხბურთში, რომ ერთი რამ ვიცოდე - მოგება მკაცრად არის დაკავშირებული შემოსავალთან. “, - განუცხადა გალიანმა DAZN-ს.

აღსანიშნავია, სუპერლიგის შექმნის შესახებ პირველად 2021 წლის გაზაფხულზე გამოცხადდა, მაგრამ გულშემატკივარის პროტესტის შემდეგ 12 კლუბიდან ცხრამ სწრაფად დატოვა აღნიშნული პროექტი.