გარი ნევილი: "მეორე ტაიმი აბსოლუტური სირცხვილი და არეულობა იყო, რომელსაც ფერნანდეში განასახიერებდა"

ინგლისის ნაკრების ყოფილი  ფეხბურთელი იმედოვნებს, რომ ეს მარცხი ერთჯერადი ჩავარდნაა.

“ეს დიდი წარუმატებლობაა. მანჩესტერს ტენ ჰაგის დროს ადრეც წაუგია, თუმცა ეს ყველაზე მწარე მარცხია. გუნდი დაიშალა, ფეხბურთელებმა საკუთარი თავი დაკარგეს და დისციპლინა დაიკარგა.

პირველი 40 წუთი მანჩესტერისთვის კლასიკური გასვლითი მატჩი იყო. მეორე ტაიმი კი აბსოლუტური სირცხვილი და არეულობა იყო, რომელსაც კაპიტანი ბრუნო ფერნანდეში განასახიერებდა.

ის უხერხულ მდგომარეობაში აყენებდა პარტნიორებს. ეს მანჩესტერის სტილი არ არის. დარწმუნებული ვარ ტენ ჰაგი ამ პრობლემას მალე გაუმკლავდება. ”,- განაცხადა ნევილმა.