იუვენტუსის რადარზე ახალი ფორვარდი გამოჩნდა

Calciomercato-ს ცნობით, "ბებერი ქალბატონის" თვალთახედვის არეში იტალიის ნაკრებისა და ლონდონის "ვესტ ჰემის" თავდამსხმელი ჯანლუკა სკამაკაა.

ტურინული გრანდი დიდი ხანია ადევნებს თვალს 24 წლის ფეხბურთელს და სეზონის ბოლოს მის სერია A-ში დაბრუნებას გეგმავს. 

ჯანლუკამ ინგლისის პრემიერ ლიგაში მიმდინარე სეზონში 16 მატჩი ჩაატარა და სამი გოლი გაიტანა.

თავდამსხმელს ლონდონელებთან კონტრაქტი 2027 წლის ზაფხულამდე აკავშირებს.