არაბული გუნდის პრეზიდენტი მესიზე: "არ მინდა გუნდში მაძღარი ფეხბურთელი, რომელიც თამაშს უბრალოდ თვალს ადევნებს"

საუდის არაბეთის გუნდის, „ალ ტაის“ პრეზიდენტმა, ლეო მესი გააკრიტიკა.

ბოლო დროს აქტიურად იწერება, რომ მესიმ კარიერა შესაძლოა აღმოსავლეთში გააგრძელოს. თუმცა, უფრო მეტად სხვა გუნდის, „ალ იტიჰადის“ შესახებ წერენ.

„არ მინდა გუნდში მსოფლიო დონის ფეხბურთელის მოყვანა, რომელიც მაძღარია და უბრალოდ მოედნიდანვე უყურებს თამაშს, როგორც მესი იყო „ბაიერნთან“.“ - აღნიშნა თურკი ალ-დააბანმა ინტერვიუში.

სეზონის ბოლოს მესის „პსჟ-სთან“ კონტრაქტი ეწურება და ჯერ უცნობია, სად გააგრძელებს არგენტინელი კარიერას.