მარიო კემპესი: "თუ მესის 2026-ს მუნდიალზე სურს თამაში, მაშინ პსჟ-ში უნდა დარჩეს, რადგან იქ მეტწილად ისვენებს"

მარიო კემპესი დარწმუნებულია, რომ თუ ლეო მესის 2026 წლის მუნდიალზე სურს მონაწილეობა, მაშინ ლიგა 1-ში უნდა დარჩეს.

„თუ მას მომდევნო მსოფლიოზე უნდა თამაში, მაშინ საფრანგეთში უნდა დარჩეს. იქ ის უმეტესად ისვენებს, მეტი ძალა რჩება და ის ამ ლიგისთვის საკმარისად კარგია. თუმცა, რაღაც დონეზე, ჩემპიონთა ლიგაზე უწევს მსხვერპლშეწირვა.

თუ ის „პსჟ-ში“ დარჩება, სამ წელიწადში მსოფლიოსთვის იდეალურად იქნება მზად. ეს უკეთ საკვალიფიაკციო ეტაპზეც გამოჩნდება. ნელ-ნელა, მესის ფორმა უფრო და უფრო გამოიკვეთება.“, - აღნიშნა არგენტინელმა ექს-ფორვარდმა.