კუმანი: "მითხრეს, რომ ხვალ მესი ახალ კონტრაქტს აფორმებდა, მეორე დღეს კი ის წავიდა"

რონალდ კუმანმა „ბარსელონადან“ ლეო მესის წასვლა გაიხსენა.

ელოდით თუ არა მესის წასვლას?

„ეს დიდი მოულოდნელობა იყო. წინასასეზონოს დროს მითხრეს: „ხვალ, მესისთან და მის მამასთან შეხვედრა გვაქვს. კონტრაქტს ვაფორმებთ და ის რჩება.

მეორე დღეს ლაპორტამ დამირეკა და მითხრა: „სიტუაცია რთულადაა.“ ღამე კი, ის წავიდა.

მესი - „ბარსელონაა“, მან გუნდისთვის ძალიან ბევრი გააკეთა და ასეთ წასვლას არ იმსახურებდა.“, - აღნიშნა ნიდერლანდების ნაკრების მთავარმა მწვრთნელმა.