ევრა განმარტავს, რატომ არ არის გრიზმანი საფრანგეთის ნაკრების კაპიტანი

საფრანგეთის ნაკრების ყოფილმა მცველმა პატრის ევრამ განმარტა, თუ რატომ აირჩიეს კილიან მბაპე მსოფლიოს ვიცე-ჩემპიონების კაპიტანად და არა ანტუან გრიზმანი, რომელმაც მის შემადგენლობაში გაცილებით მეტი მატჩი  აქვს ჩატარებული.

"სიმართლე გითხრათ, ჯერ კიდევ გუნდში რომ ვიყავი, გრიზმანი თითქმის არ ლაპარაკობდა. თითქმის ყოველთვის ჩუმად იყო. ეს არ არის ის ადამიანი, ვინც მატჩის დაწყებამდე საკუთარ თავზე სიტყვას აიღებს, ის არ არის ლიდერი. , - თქვა ევრამ.

შეგახსენებთ, რომ ანტუან გრიზმანი საფრანგეთის ნაკრებში 2014 წლიდან თამაშობს, ანტუანმა 116 მატჩი ჩაატარა და 42 გოლი გაიტანა.