სიმეონე შესაძლოა ლა ლიგის კლუბში გადავიდეს

არგენტინელი თავდამსხმელი ჯოვანი სიმეონე, რომელიც "ნაპოლის" ეკუთვნის, შესაძლოა ესპანეთის ჩემპიონატში გადავიდეს.

Sport.es-ის ცნობით, 27 წლის თავდამსხმელის მომსახურებით "სევილია" ინტერესდება.

ჯოვანის ხელმოწერა ანდალუსიური კლუბის მონჩის ინიციატივაა. ფუნქციონერი მიმდინარრ სეზონში კლუბის ცუდი თამაშის გამო შემადგენლობის განახლებას აპირებს.

სერია A-ს მიმდინარე გათამაშებაში სიმეონემ 18 მატჩი ჩაატარა, რომელშიც სამი გოლი გაიტანა.

"სევილია" ლა ლიგაში მიმდინარე სეზონში 27 ტურის შემდეგ მხოლოდ მე-13 ადგილს იკავებს.