მადრიდის რეალის ფეხბურთელ ვალვერდეს ექვსთვიანი დისკვალიფიკაცია ემუქრება

მადრიდის "რეალის" ნახევარმცველს, ფედერიკო ვალვერდეს, ლა ლიგის ბოლო მატჩის შემდეგ "ვილიარეალის" ნახევარმცველ ალექს ბაენაზე თავდასხმის გამო დისკვალიფიკაცია ემუქრება.

AS-ის ინფორმაციით, ურუგვაელი ფეხბურთელის საქმე მომავალ კვირას განიხილება. მაქსიმალური დასაშვები ჯარიმა, რომელიც შეიძლება გამოყენებულ იქნას ვალვერდეს მიმართ, არის ექვს თვემდე დისკვალიფიკაცია.

შეგახსენებთ, რომ ფედერიკო თავს დაესხა ბაენას მანქანების სადგომზე. მადრიდის "რეალის" ფეხბურთელმა მეტოქეს სახეში მუშტი დაარტყა.

მიმდინარე სეზონში ვალვერდემ "რეალის" მაისურით 27 მატჩი ჩაატარა, 7 გოლი გაიტანა და ორი საგოლე გადაცემა გააკეთა.