მესიმ კრიშტიანუ რონალდუს რეკორდი გაიმეორა

"პსჟ"-ს ფორვარდმა ლიონელ მესიმ ლიგა 1-ის 31-ე ტურის მატჩში "ლანსის" წინააღმდეგ გოლი გაიტანა. შეხვედრა პარიზული გუნდის დამაჯერებელი გამარჯვებით 3:1 დასრულდა.

ამ გოლის წყალობით 35 წლის არგენტინელი ევროპის ტოპ 5 ლიგაში გოლებით პორტუგალიელ კრიშტიანუ რონალდუს გაუტოლდა. ორივე ფეხბურთელს ამ დროისთვის 495 გოლი აქვს გატანილი.

38 წლის პორტუგალიელმა ევროპა გასულ ზამთარში დატოვა და საუდის "ალ-ნასრთან" 2,5 წლიან კონტრაქტს მოაწერა ხელი.