რეალს პირველ ნახევარფინალურ მატჩში მნიშვნელოვანი ფეხბურთელი გამოაკლდება

მადრიდის „რეალი“ ჩემპიონთა ლიგის პირველ ნახევარფინალში მნიშვნელოვანი დანაკლისით ხვდება.

როგორც იცით, დღეს „რეალმა“ „ჩელსის“ 2:0 მოუგო, ორი მატჩის ჯამში 4:0 იმარჯვა და ნახევარფინალში გავიდა, სადაც მისი მეტოქე ან „სიტი“ იქნება, ან მიუნხენის „ბაიერნი“.

პირველ ნახევარფინალს, რომელიც „სანტიაგო ბერნაბეუზე“ გაიმართება, მადრიდელთა მხრიდან ედერ მილიტაო გამოტოვებს, რომელმაც დღეს ყვითელი ბარათი მიიღო და ტურნირზე უკვე სამი გაფრთხილება დაუგროვდა.

თამაშის წინაც ცნობილი იყო, რომ მილიტაოს საფრთხე ემუქრებოდა და მან დღევანდელი მატჩის ყვითლის გარეშე ჩამთავრება ვერ მოახერხა.