მარიო რუისთვის სეზონი დასრულდა

ჩემპიონთა ლიგის 1/4-ფინალში, “ნაპოლისა” და “მილანის” განმეორებითი მატჩის მიმდინარეობისას ნეაპოლელთა პორტუგალიელი მცველი მარიო რუი დაშავდა.

ცნობილი იტალიური გამოცემის Tuttosport-ის ინფორმაციით, მარიო რუის ტრავმა სერიოზული აღმოჩნდა, რის გამოც იგი სეზონის დარჩენილ ნაწილს გამოტოვებს.

მარიო რუიმ სერია A-ს მიმდინარე სეზონში "ნაპოლის" შემადგენლობაში 21 მატჩში 6 საგოლე გადაცემა გააკეთა.