ლა ლიგაში ბომბარდირთა დავა დაიძაბა - ბენზემა ლევანდოვსკის წამოეწია

კარიმ ბენზემამ „ალმერიასთან“ მატჩში აპრილის თვეში უკვე მე-3 ჰეთ-ტრიკი გაიფორმა.

ფრანგმა ფორვარდმა ამ თვეში ჯერ „ვალიადოლიდს“ გაუტანა 3 გოლი, შემდეგ თასის ნახევარფინალში „ბარსელონას“ და დღეს „ალმერიას“.

ამ ჰეთ-ტრიკის შემდეგ ბენზემას ლა ლიგაში 17 გოლი დაუგროვდა და საუკეთესო ბომბარდირთა დავაში რობერტ ლევანდოვსკის წამოეწია.

ჯერჯერობით, პოლონელი 18 გოლით ლიდერობს, თუმცა ბოლო დროს შედეგიანობას უკლო და ბენზემას, რომელმაც ტრავმის გამო ბევრი მატჩი გამოტოვა, წამოწევის შესაძლებლობა მისცა.

1. რობერტ ლევანდოვსკი (ბარსელონა) - 18 გოლი, 6 ასისტი

2. კარიმ ბენზემა (რეალი) - 17 გოლი, 3 ასისტი

3. ერეს უნალი (ხეტაფე) – 13 გოლი, 3 ასისტი

4. ხოსელუ (ესპანიოლი) – 13 გოლი, 2 ასისტი

5. იაგო ასპასი (სელტა) – 12 გოლი, 3 ასისტი.