ხავი დემბელეს ხელშეუხებლად მიიჩნევს - ფრანგის წასვლა თითქმის გამორიცხულია

უსმან დემბელე „ბარსელონას“ უახლოეს ზაფხულს არ დატოვებს.

ფაბრიციო რომანოს ინფორმაციით, კლუბის ხელმძღვანელობა და მთავარი მწვრთნელი ხავი, ფრანგ ვინგერს ხელშეუხებლად მიიჩნევენ.

თავად ფეხბურთელი თავადაც ბედნიერია „ბლაუგრანაში“. სულ მალე, მხარეები კონტრაქტის გახანგრძლივებაზე დაიწყებენ მოლაპარაკებებს.

მოქმედი კონტრაქტი დემბელეს „ბარსელონასთან“ 2024 წლის ზაფხულამდე აკავშირებს, ზაფხულში მისი გამოსყიდვა 50 მილიონ ევროდ იქნება შესაძლებელი.

მიმდინარე სეზონში ფრანგმა ლა ლიგაში 18 მატჩი ჩაატარა და 5 გოლი გაიტანა.