არსენალი მზადაა გრანიტ ჯაკას შეელიოს

როგორც Daily Mail-ის ჟურნალისტებისთვის გახდა ცნობილი, "მეთოფეები" მზად არიან განიხილონ წინადადებები ფეხბურთელის ტრანსფერის შესახებ.

ლონდონელებმა გადაწყვიტეს ჯაკას გაყიდვა, რათა გზა გაეხსნათ ინგლისის ნაკრებისა და "ვესტ ჰემის" ნახევარმცველ დეკლან რაისის შესაძენად. 

ეს ფეხბურთელი ზაფხულის სატრანსფერო ფანჯრისთვის "მეთოფეების" მთავარი სატრანსფერო მიზანია.

ჯაკა არსენალის ღირსებას 2016 წლის ივლისიდან იცავს. მხარეებს შორის არსებული შრომითი ხელშეკრულების ვადა 2023/2024 წლების სეზონის ბოლომდეა გათვლილი.