კრიშტიანუ რონალდუ წლის ყველაზე მაღალანაზღაურებადი სპორტსმენია, მესი მეორეა, მბაპე - მესამე

კრიშტიანუ რონალდუ ყველაზე მაღალანაზღაურებადი სპორტსმენების სიას სათავეში უდგას.

Forbes-ის დათვლით, 2022 წლის 1 მაისიდან 2023 წლის 1 მაისის ჩათვლით, პორტუგალიელის საერთო შემოსავალმა (ხელფასი, საპრიზოები, ბონუსები, სასპონსორო და კომერციული პროექტების თანხები), 136 მილიონი დოლარი შეადგინა გადასახადების გადახდამდე.

ეს ფეხბურთელებს შორის აბსოლუტური რეკორდია და ისტორიაში მეოთხე შედეგია - კონორ მაკგრეგორის (MMA), ტაიგერ ვუდსის (გოლფი) და როჯერ ფედერერის (ჩოგბურთი) შემდეგ.

ყველაზე მაღალანაზღაურებადი სპორტსმენის ტოპ-10 კი ასე გამოიყურება:

1. კრიშტიანუ რონალდუ (ფეხბურთი) – 136 მლნ დოლარი

2. ლეო მესი (ფეხბურთი) – 130 მლნ დოლარი

3. კილიან მბაპე (ფეხბურთი) – 120 მლნ დოლარი

4. ლებრონ ჯეიმსი (კალათბურთი) – 119.5 მლნ დოლარი

5. საულ კანელო ალვარესი (კრივი) – 110 მლნ დოლარი

6. ჯასტინ ჯონსონი (გოლფი) – 107 მლნ დოლარი

7. ფილ მიკელსონი (გოლფი) – 106 მლნ დოლარი

8. სტეფ კარი (კალათბურთი) – 100.4 მლნ დოლარი

9. როჯერ ფედერერი (ჩოგბურთი) – 95.1 მლნ დოლარი

10. კევინ დურანტი (კალათბურთი) – 89.1 მლნ დოლარი.