რეალმა ბოლო 20 ფინალიდან 18 მოიგო

მადრიდის „რეალმა“ ბოლო 20 გამართული ფინალიდან 18-ს მოგება მოახერხა.

დღეს მადრიდულმა კლუბმა კოპა დელ რეის ფინალში „ოსასუნას“ 2:1 მოუგო და აღნიშნული ტიტული ისტორიაში მე-20-ედ მოიგო.

აღსანიშნავია, რომ ამ სტატისტიკაში იგულისხმება მხოლოდ ის ფინალები, რომელიც ერთმატციან ფორმატში იმართება.

„თეთრებმა“ 20-დან მხოლოდ 2 ფინალი დათმეს: 2018 წელს „ატლეტიკოსთან“ ევროპის სუპერთასზე და 2023-ში „ბარსელონასთან“ ესპანეთის სუპერთასზე.