ოფიციალურად: ტოტენჰემმა ჩემპიონთა ლიგაზე მოხვედრის ყველანაირი შანსი დაკარგა

ლონდონის „ტოტენჰემმა“ სეზონის შედეგად ჩემპიონთა ლიგაზე მოხვედრის შანსი დაკარგა.

36-ე ტურში რაიან მეისონის ხელმძღვანელობით ლონდონური კლუბი სტუმრად „ასტონ ვილასთან“ დამარცხდა, „მანჩესტერ იუნაიტედმა“ კი შინ „ვულვზი“ დაამარცხა.

ამ შედეგების შემდეგ, „დეზებმა“ ჩემპიონთა ლიგაზე მოხვედრის ყველანაირი შანსი დაკარგეს. ამჟამად ისინი მე-6 ადგილზე იმყოფებიან 57 ქულით.

ჩემპიონატის დასრულებამდე ორი ტურით ადრე, ისინი მე-4 ადგილს, რომელიც ლიგის საგზურს იძლევა, 9 ქულით ჩამორჩებიან.

2022/23-სეზონში „ტოტენჰემი“ ჩემპიონთა ლიგაზე ასპარეზობდა და მერვედფინალში „მილანთან“ (0:1, 0:0) დამარცხდა.