ბრაჰიმ დიასს მილანში დარჩენა სურს

მადრიდის "რეალის" ნახევარმცველი ბრაჰიმ დიასი, რომელიც ამჟამად "მილანში" იჯარის წესით თამაშობს, იტალიურ კლუბში დარჩენას აპირებს. ამის შესახებ ჟურნალისტი ფაბრიციო რომანო იუწყება.

წყაროს ცნობით, უახლოეს მომავალში მხარეები 23 წლის ესპანელის "როსონერიში" გადასვლაზე მოლაპარაკებებს უწყვეტ რეჟიმში გამართავენ. 

მიმდინარე სეზონში დიასმა "მილანის" მაისურით 43 მატჩი ჩაატარა, შვიდი გოლი გაიტანა და 6 საგოლე გადაცემა გააკეთა.