ლიონელ მესის საუდის არაბეთში ელოდებიან

გაზეთი Marca-ს ცნობით, საუდის არაბეთში დარწმუნებულნი არიან, რომ 35 წლის თავდამსხმელი კარიერას "ალ-ჰილალში" გააგრძელებს.

მოსალოდნელია, რომ მხარეები შრომით ხელშეკრულებას საფრანგეთის ჩემპიონატის დასრულებიდან პირველ დღეებში მოაწერენ ხელს. 

განახლებული ინფორმაციით, "ალ-ჰილალის" ხელმძღვანელები მზად არიან ლიონელს წელიწადში დაახლოებით 300 მილიონი ევრო შესთავაზონ.

ლიონელს "პსჟ"-სთან კონტრაქტი ივნისის ბოლომდე აკავშირებს. ის გუნდში 2021 წლის ზაფხულიდანაა.

მიმდინარე სეზონში მესიმ პარიზულ გუნდში 39 მატჩი ჩაატარა, 20 გოლი გაიტანა და 20 საგოლე გადაცემა გააკეთა.