ხვიჩა კვარაცხელია ნაპოლისთან კონტრაქტის გახანგრძლივებასთან ახლოსაა

"ნაპოლის" თავდამსხმელი ხვიჩა კვარაცხელია იტალიურ კლუბთან კონტრაქტის გახანგრძლივებასთან ახლოს არის, იტყობინება ჟურნალისტი ნიკოლო შირა.

წყაროს ინფორმაციით, 22 წლის ქართველის ახალი ხელშეკრულება 2028 წლამდე იქნება გათვლილი. აღნიშნულია, რომ კვარაცხელიას ხელფასი სეზონში 3 მილიონ ევრომდე გაიზრდება.

მიმდინარე სეზონში გარემარბმა ნეაპოლური გუნდის შემადგენლობაში 41 მატჩი ჩაატარა, 14 გოლი გაიტანა და 17 საგოლე გადაცემა გააკეთა.