ჯუდ ბელინგემმა სამედიცინო შემოწმება გაიარა და კონტრაქტიც გააფორმა - როდის შედგება ფეხბურთელის პრეზენტაცია?

ინგლისელი ნახევარმცველისთვის ბუნდესლიგის კლუბი 103 მილიონ ევროს მიიღებს. ასევე გათვალისწინებულია ბონუსები - ტრანსფერის ძირითადი თანხის 30%-მდე, ანუ მაქსიმუმ 30,9 მილიონი ევრო.

ფაბრიციო რომანოს თქმით, ჯუდმა უკვე გაიარა სამედიცინო შემოწმება მადრიდის "რეალში" და გააფორმა კონტრაქტი 2029 წლის ზაფხულამდე.

პირველი ახალწვეულის ოფიციალური პრეზენტაცია სანტიაგო ბერნაბეუზე მომავალ კვირას გაიმართება.