ავტორიზაცია
მტკივნეული გავარდნა - რაულის კასტილია ესპანეთის მე-2 დივიზიონში ვერ ავიდა
ახალ სეზონშიც, „რეალ მადრიდ კასტილია" ესპანეთის მე-3 დივიზიონში გააგრძელებს ასპარეზობას.
რაულის გუნდის სეგუნდაში დაწინაურების უფლებისთვის „ელდენსეს" ორმატჩიან პლეი-ოფში დაუპირისპირდა.
პირველი შეხვედრა ფრედ 1:1 დასრულდა. მეორე მატჩში „კასტილია" 2:0-ს იგებდა, მაგრამ შეხვედრა ფრედ, 2:2 დასრულდა და დამატებით დროში გადავიდა, სადაც მადრიდელები კვლავ დაწინაურდნენ, მაგრამ 114-ე წუთზე მესამე გოლი მიიღეს საკუთარ კარში.
მიუხედავად სრული პარიტეტისა, პენალტების სერია არ დაინიშნა და სეგუნდა დივიზიონში „ელდენსე" ავიდა, მხოლოდ იმიტომ, რომ სეზონი „კასტილიაზე" მაღალ პოზიციაზე დაასრულა.
ცნობისთვის, პლეი-ოფის ნახევარფინალში „კასტილიამ" „ბარსელონას" მეორე გუნდი დაამარცხა. პირველი შეხვედრა 2:4 დათმო, საპასუხოში კი 3:0 გაანადგურა.
