ბარსელონა დღეს გიუნდოგანის ტრანსფერს გამოაცხადებს

"ბარსელონა" დღეს, 26 ივნისს, "მანჩესტერ სიტის" ნახევარმცველ ილკაი გიუნდოგანის ტრანსფერის გამოცხადებას აპირებს. ამის შესახებ Mundo Deportivo იტყობინება.

წყაროს ცნობით, გერმანელი ფეხბურთელი ესპანურ კლუბთან ორწლიან კონტრაქტს მოაწერს ხელს, კიდევ ერთი სეზონით გახანგრძლივების ოფციით.

მანამდე გავრცელდა ინფორმაცია, რომ გიუნდოგანი მზად იყო მანჩესტერ "სიტიში" დარჩენისთვის, მაგრამ ის არ დაკმაყოფილდა "ქალაქელების" მიერ შეთავაზებული ახალი კონტრაქტის პირობებით.

გასულ სეზონში 32 წლის ნახევარმცველმა ინგლისურ კლუბში 51 მატჩი ჩაატარა, 11 გოლი გაიტანა და 7 საგოლე გადაცემა გააკეთა.