რამდენს მიიღებს ბათუმის დინამო ზურიკო დავითაშვილის ტრანსფერიდან?

ოფიციალურად დადასტურდა, რომ “ბორდომ” “დინამო ბათუმიდან” საქართველოს ნაკრების შემტევის, ზურიკო დავითაშვილის ტრანსფერი გამოისყიდა.

კლუბის ოფიციალური გვერდის ცნობით, დავითაშვილმა ფრანგებთან კონტრაქტს ხელი 2027 წლამდე მოაწერა და “ბორდოში” კიდევ 4 სეზონი ითამაშებს.

girondins4ever-ს ცნობით, "ბორდომ" დავითაშვილის ტრანსფერი ბათუმის "დინამოდან" 1.25 მილიონი ევროდ გამოისყიდა.

მოგეხსენებათ, ქართველი ფეხბურთელი “ბორდოში” იჯარის წესით თამაშობდა, 31 მატჩი ჩაატარა და 6 გოლითა და 3 ასისტით გამოირჩა.

ამჟამად დავითაშვილი საქართველოს 21 წლამდე ნაკრებთან ერთადაა და დიდი წვლილი შეაქვს ნაკრების წარმატებულ ასპარეზობაში.