თანხმობა მიღებულია - მარსელო ბროზოვიჩი კარიერას კრიშტიანუ რონალდუს გუნდში გააგრძელებს

ფაბრიციო რომანოს ინფორმაციით, ხორვატმა ნახევარმცველმა „ალ ნასრის" შემოთავაზებაზე თანხმობა განაცხადა და ახალი სეზონიდან კრიშტიანუ რონალდუს თანაგუნდელი გახდება.

საუდის არაბეთის ლიგის მეორეადგილოსანი ხორვატ ფეხბურთელში 23 მილიონ ევროს გადაიხდის, თავად ბროზოვიჩი 3-წლიან კონტრაქტს გააფორმებს, მისი წლიური ხელფასი კი 20 მილიონი ევრო იქნება.

ფეხბურთელის მიმართ ინტერესს „ბარსელონაც" იჩენდა, თუმცა „ალ ნასრის" 23-მილიონიან შეთავაზებასთან ჭიდილი ვერ მოახერხა, მიუხედავად იმისა, რომ თავად ბროზოვიჩისთვის „კამპ ნოუზე" გადასვლა პრიორიტეტული იყო.