ინტერში ტრანსფერი ჩაშლის პირასაა - ასპილიკუეტა ლა ლიგაში დაბრუნებას უახლოვდება

ფაბრიციო რომანოს ექსკლუზიური ინფორმაციით, ვეტერანი ესპანელი მცველის შეძენისთვის დიეგო სიმეონეს გუნდი იბრძვის.

მიუხედავად იმისა, რომ ასპილიკუეტას „ინტერთან" პირადი კონტრაქტი უკვე შეთანხმებული ჰქონდა, „ატლეტიკოს" ვარიანტი მას უფრო მოსწონს, რადგან სამშობლოში დაბრუნება ძალიან სურს. ამის გამო, ამჟამად სეზარის გადაბირების ფავორიტი სწორედ მადრიდული კლუბია.

დიდი ალბათობით, „ჩელსი" ფეხბურთელის უფასოდ გაშვებას დათანხმდება, მიუხედავად იმისა, რომ მას კონტრაქტი კიდევ ერთი წლით აქვს გათვალისწინებული. კლუბსა და ასპილიკუეტას შორის დიდებული ურთიერთობაა და ისინი საკუთარი კაპიტნის ყველანაირ გადაწყვეტილებას პატივისცემით ეკიდებიან.

„ასპი" პამპლონური „ოსასუნას" აღზრდილია, რომელიც 2010 წელს დატოვა და „მარსელში" გადაბარგდა, საიდანაც ის „ჩელსიმ" 2012-ში წაიყვანა.