პირველი არაუხოა - ESPN-მ ბარსელონას ბოლო 6 წლის საუკეთესო ტრანსფერების რეიტინგი გამოაქვეყნა

გამოცემა ESPN-მ 2017 წლიდან „ბარსელონას“ ტრანსფერების რეიტინგი შეადგინა, რომელშიც გათვალისწინებული იყო დახარჯული ფული, მიღებული შემოსავალი, წაგებული თანხა შემდგომი გაყიდვით და ფეხბურთელის მიერ მიღწეული შედეგები.

გათვალისწინებული იყო მხოლოდ ის ტრანსფერები, რომლებიც ნეიმარის „პსჟ-ში“ გადასვლის შემდეგ განხორციელდა.

ყველაზე ცუდი ტრანსფერების ხუთეულში ფილიპე კოუტინიო (160 მლნ), მირალემ პიანიჩი (60 მლნ), მატეუს ფერნანდესი (7 მლნ ევრო), კევინ-პრინც ბოატენგის და ჯეისონ მურილიოს იჯარა.

ანტუან გრიზმანის ტრანსფერმა 120 მილიონ ევროდ 35-ე ადგილი დაიკავა, სერხიო აგუერომ კი - 27-ე.

„ბარსელონას“ ხუთი საუკეთესო ტრანსფერი ბოლო ექვსი წლის მანძილზე კი ასე გამოიყურება:

1. რონალდ არაუხო - 1.7 მლნ ევრო, 2018 წელი

2. პედრი - ჯამში 25 მილიონი ევრო, 2020 წელი

3. ანდრეას კრისტენსენი - თავისუფალი აგენტი, 2022

4. ფრენკი დე იონგი - 86 მილიონი ევრო, 2019

5. რობერტ ლევანდოვსკი - 45 მილიონი ევრო, 2022.