საბა საზონოვის ტრანსფერით თურქული გრანდი ინტერესდება

საქართველოს ნაკრებისა და მოსკოვის "დინამოს" 21 წლის მცველი საბა საზონოვი, შესაძლოა, სტამბულის "გალათასარაიში" გადავიდეს.

ცნობილი რუსული გამოცემის Championat-ის ინფორმაციით, ქართველი ფეხბურთელის გარემოცვასთან პირველი კონტაქტი უკვე შედგა, თუმცა, თურქულ მხარეს მოსკოვურ კლუბთან მოლაპარაკება არ დაუწყია.

აღსანიშნავია, რომ საბა საზონოვის მიმართ ინტერესს იტალიის სერია A-ს რამდენიმე გუნდი იჩენს.