ნაპოლიმ ამხანაგური მატჩები დაგეგმა: კვარაცხელია ქართველების გუნდის წინააღმდეგ ითამაშებს

აქამდე ცნობილი გახლდათ, რომ იტალიის მოქმედი ჩემპიონი 20 ივლისს "ანაუნეს", 24 ივლისს "სპალს" რომ შეხვდებოდა.

Corriere del Mezzogiorno-ს ცნობით, ნეაპოლური გუნდი კასტელ დი სანგროში 29 ივლისს, თურქულ "ჰატაისპორს" შეხვდება, რომლის რიგებში საბა ლობჟანიძე და გიორგი აბურჯანია თამაშობენ. 3 აგვისტოს "ჟირონას", ხოლო 6 აგვისტოს "აუგსბურგს" დაუპირისპირდებიან.

შეგახსენებთ, რომ რუდი გარსიას  "ნაპოლი" სერია A-ს პირველ ტურში 19 აგვისტოს გიორგი კვერნაძის "ფროზინონეს" დაუპირისპირდება.