ნათან აკე მანჩესტერ სიტისთან ახალი კონტრაქტის თაობაზე მოლაპარაკებებს აწარმოებს

28 წლის მცველი ნათან აკე მანჩესტერ "სიტისთან" ახალი შრომითი ხელშეკრულების გასაფორმებლად მოლაპარაკებებს აწარმოებს. ამის შესახებ სოციალურ ქსელში ინსაიდერმა ფაბრიციო რომანომ განაცხადა.

წყაროს ცნობით, მხარეები თანამშრომლობის გაგრძელების ფორმალიზებასთან ახლოს არიან.

აკეს შესთავაზეს ახალი გრძელვადიანი კონტრაქტი ხელფასის მნიშვნელოვანი ზრდით.

ნიდერლანდელის ამჟამინდელი კონტრაქტი "ქალაქელებთან" 2025 წლის ზაფხულამდეა ძალაში.

ინგლისის პრემიერ ლიგის ბოლო გათამაშებაში ფეხბურთელმა 26 მატჩი ჩაატარა, რომელშიც ერთი გოლი გაიტანა და ორი ყვითელი ბარათი მიიღო.