მოურინიომ რომას ახალი სატრანსფერო სამიზნე დაასახელა

Sportbild-ის ცნობით, პორტუგალიელი სპეციალისტის ინტერესთა სფეროში მოექცა ნახევარმცველი როლანდ შალაი, რომელიც გერმანიის ჩემპიონატში "ფრაიბურგში" თამაშობს.

სპეციალისტმა "რომას" მენეჯმენტს სთხოვა, რომ ამ ფეხბურთელის ტრანსფერზე მომდევნო სატრანსფერო ფანჯარაში იმუშაონ.  მხარეებმა ამ საკითხზე წინასწარი მოლაპარაკებები დაიწყეს.

უნგრელი ნახევარმცველი "ფრაიბურგში" 2018 წლიდან თამაშობს. გუნდის შემადგენლობაში მან ბუნდესლიგაში 112 მატჩი ჩაატარა, რომლებშიც 18 გოლი გაიტანა და ათი საგოლე გადაცემა გააკეთა.