ფლიკი გერმანიის ნაკრების 123-წლიან ისტორიაში პირველი მწვრთნელია, რომელიც გაათავისუფლეს

როგორც Sky Germany იტყობინება, ჰანსი ფლიკი გერმანიის ნაკრების 123-წლიან ისტორიაში პირველი მწვრთნელია, რომელიც გუნდიდან გაათავისუფლეს.

აქამდე, ნაკრებს 10 მთავარი მწვრთნელი ჰყავდა და ყველამ გუნდი ურთიერთშეთანხმების საფუძველზე, ან კონტრაქტის ამოწურვის შედეგად დატოვა.

ფლიკით კი ფედერაცია უკმაყოფილო დარჩა და მისი დროზე ადრე გათავისუფლება გადაწყვიტა, მიუხედავად იმისა, რომ 9 თვეში მას გუნდი საშინაო ევროპის ჩემპიონატზე უნდა გაეყვანა.