ბელინგემმა მადრიდის რეალში რონალდუს რეკორდი მოხსნა

20 წლის ვარსკვლავმა ლა ლიგის მერვე ტურის მატჩში "ოსასუნასთან" (4:0) დუბლი შეასრულა.

ბელინგემს "სამეფო კლუბის" შემადგენლობაში ათ შეხვედრაში 10 გოლი და სამი საგოლე პასი აქვს. 

ამ შედეგით ინგლისელმა პორტუგალიელი ვარსკვლავის კრიშტიანუ რონალდუს მიღწევა გააუმჯობესა, რომელმაც "რეალში" პირველ ათ თამაშში ამდენივე გოლი გაიტანა და ერთი საგოლე გადაცემა გააკეთა.