დუბლი და საგოლე პასი! როგორი შეფასება მიიღო ზივზივაძემ დღევანდელ მატჩში?

გერმანიის II ბუნდესლიგის 26-ე ტურში "კარლსრუე" საკუთარ მოედანზე "მაგდებურგს" დაუპირისპირდა და 7:0 გაანადგურა.

აღნიშნული შეხვედრა ბუდუ ზივზივაძის ბენეფისად იქცა. ქართველმა ფორვარდმა პირველ ნახევარში დუბლი გაიფორმა და საგოლე გადაცემაც გააკეთა. ბუდუ 65-ე წუთზე შლოისენერმა შეცვალა.

Sofscore-მა ზივზივაძის თამაში 9.1 ბალით შეაფასა, რაც ორივე გუნდის შემადგენლობაში საუკეთესო მაჩვენებელი გახლდათ.