ელიტრაუნდი: საქართველოს 19-წლამდელთა ნაკრებმა უხვგოლიან მატჩში შოტლანდია დაამარცხა

შოტლანდიელები ვილსონმა მე-11 წუთზე დააწინაურა, პირველი ტაიმის კომპენსირებულ დროში ცოტნე ბერელიძემ წონასწორობა აღადგინა (1:1).

მეორე ნახევარი ვასილ მაისურაძის გუნდმა აქტიურად დაიწყო და უკვე 55-ე წუთზე ალეკო ბასილაძემ საქართველოს ნაკრები წინ გაიყვანა. 

აქედან 10 წუთში წონასწორობის აღდგენა ამჯერად მეტოქე გუნდის მოთამაშეებმა შეძლეს. თუმცა, 70 წუთზე დაჩი ლორთქიფანიძემ გაიტანა და მატჩის საბოლოო ანგარიში დააფიქსირა (3:2).

საქართველოს 19-წლამდელთა ნაკრები მესამე ტურის შეხვედრას 26 მარტს მასპინძელ იტალიის 19-წლამდელთა ნაკრებთან გამართავს.