ელიტრაუნდი: საქართველოს 17-წლამდელთა ნაკრებმა მეორე ტურში თურქეთი დაამარცხა

შეხვედრა გიორგი ჩიტაურის გუნდის გამარჯვებით 3:1 დასრულდა. 

საქართველოს ნაკრები 65-ე წუთზე მათე შათირიშვილმა დააწინაურა, რასაც 76-ე წუთზე ხალიდ დოლტმურზიევის გოლი მოჰყვა.

90+1 წუთზე სტუმართა მხრიდან ერთი გოლი გიულმენმა გაქვითა, საბოლოო ანგარიში 90+14 წუთზე ლაშა ხუციშვილმა დააფიქსირა (3:1).

ამრიგად, ორი ტურის შემდეგ საქართველოს 17-წლამდელთა ნაკრებს სერბეთის მსგავსად 3 ქულა აქვს, თურქეთი ერთი ქულით ბოლო ადგილს იკავებს, ხოლო ჯგუფს 4 ქულით დანიის ახალგაზრდული ნაკრები ლიდერობს.

ელიტრაუნდის ბოლო ტურის მატჩები 26 მარტს გაიმართება.  საქართველოს ახალგაზრდული ნაკრები დანიას დაუპირისპირდება, სერბეთი კი თურქეთს შეხვდება.