"პარი სენ ჟერმენის" 18 წლის ახალწვეულის, კილიან მბაპეს, დებიუტი პარიზული კლუბის შემადგენლობაში დღეს შედგება.

უნაი ემერის გუნდი საფრანგეთის ეროვნული ჩემპიონატის მე-5 ტურში სტუმრად "მეცს" დაუპირისპირდება და გუნდების სასტარტო შემადგენლობები უკვე ცნობილია.

პარიზელთა ძირითადში სამი ახალწვეულია, იური ბერჩიჩე, ნეიმარი და კილიან მბაპე, რომელიც დღეს საღამოს "პსჟ-ს" მაისურს პირველად მოირგებს.

პსჟ-ს ძირითადი შემადგენლობა მეცთან მატჩისთვის: არეოლა; მენიე, მარკინიოსი, კიმპემბე, იური; ტიაგო მოტა, რაბიო; დრაქსლერი, მბაპე, ნეიმარი; კავანი.

კილიან მბაპე "პსჟ-მ" "მონაკოდან" 1 წლიანი იჯარის წესით დაიმატა და გაისად მის კონტრაქტს 180 მილიონ ევროდ გამოისყიდის.

"მეცისა" და "პარი სენ ჟერმენის" თამაში დაახლოებით 1 საათში, ჩვენი დროით 22:45 საათზე დაიწყება.