ავტორიზაცია
ბუდუ ზივზივაძე: გაშვებული გოლების შემდეგ რეაგირებაც ვერ მოვახდინეთ
ერთა ლიგის ბოლო ტურში ჩეხეთთან მარცხისა (1-2) და A დივიზიონის საგზურის დაკარგვის შემდეგ, საქართველოს ნაკრების ფეხბურთელმა, ბუდუ ზივზივაძემ კომენტარი გააკეთა
"მადლობა ქომაგებს, რომ მოვიდნენ და მთელი მატჩის განმავლობაში გვგულშემატკივრობდნენ.
თამაში ცუდად დავიწყეთ. დაახლოებით მე-20 წუთზე უკვე 2-0 იყო და წესიერი რეაგირებაც ვერ მოვახდინეთ. პირველ ტაიმში გვაჯობეს, მაგრამ მეორე ნახევარში ტერიტორიულ უპირატესობას ვფლობდით. მომენტებიც გვქონდა - პირადად მე ორი შანსი მქონდა და ორივეჯერ მეკარემ მოიგერია.
დავმარცხდით, მე-3 ადგილზე გავედით და მარტში ალბათ ფლეიოფი გვექნება. არ ვიცი, მეტოქე ვინ იქნება. შევეცდებით, B დივიზიონში ადგილი შევინარჩუნოთ," - განაცხადა ბუდუმ.
