ავტორიზაცია
ხავი საკუთარ მომავალზე: "ღია ვარ ნებისმიერი შემოთავაზებისთვის და შესაძლებლობისთვის"
"ბარსელონას" ყოფილმა ნახევარმცველმა, ამჟამად კი ყატარული "ალ სადის" მთავარმა მწვრთნელმა, ხავი ერნანდესმა საკუთარ მომავალზე ისაუბრა.
"ნებისმიერ წინადადებას შევაფასებ, შემდეგ კი გადაწყვეტილებას მივიღებ", - აცხადებს სპეციალისტი TVE-სთან ინტერვიუში.
"არ ვიცი, სად აღმოვჩნდები მომავალში, მაგრამ ნებისმიერი შესაძლებლობისთვის ღია ვარ", - დასძინა ესპანელმა.
შეგახსენებთ, აქამდე არაერთხელ დაიწერა იმის შესახებ, რომ ხავის "ბარსელონას" მთავარი მწვრთნელის პოსტზე დანიშვნის კანდიდატად განიხილავენ.
მიუხედავად ამისა, როგორც ცოტა ხნის წინ "ლურჯ-ბროწეულისფერთა" პრეზიდენტმა, ჟოან ლაპორტამ განაცხადა, კლუბის ხელმძღვანელობა რონალდ კუმანს ენდობა და მის გათავისუფლებას ჯერ არ აპირებს.
