ოდეგორი ოზილთან შედარებაზე: "ამას დიდ კომპლიმენტად ვიღებ, ჩემი ერთ-ერთი საყვარელი ფეხბურთელი იყო"
"არსენალის" შემტევი ნახევარმცველი, მარტინ ოდეგორი გუნდის ყოფილ ფეხბურთელ მესუთ ოზილთან შედარებას გამოეხმაურა, რომელიც ამჟამად თურქული "ფენერბაჰჩეს" ღირსებას იცავს.
"ნამდვილად არ მიყვარს, როცა სხვა ფეხბურთელებს მადარებენ, მაგრამ ამას დიდ კომპლიმენტად ვიღებ", - ციტირებს ნორვეგიელის სიტყვებს Mirror-ი.
"ის ფეხბურთელია, ბევრ ასპექტში ვედრებოდი. პატარაობაში ჩემი ერთ-ერთი საყვარელი ფეხბურთელი იყო".
"ვგრძნობ, რომ ძალიან კარგ ფორმაში ვიმყოფები. ყოველთვის რთულია შედარება იმასთან, რასაც ადრე აკეთებდი, მაგრამ ვგრძნობ, ყოველდღე კარგად ვმუშაობ", - დასძინა ოდეგორმა.
მიმდინარე სეზონში 23 წლის ნორვეგიელმა "მეთოფეთა" მაისურით ყველა ტურნირზე ერთად 27 მატჩი ჩაატარა, 5 გოლი გაიტანა და 4 შედეგიანი პასი გააკეთა.
რაც შეეხება ოზილს, 33 წლის გერმანელი "არსენალის" ღირსებას 2013 წლის სექტემბრიდან 2021 წლის იანვრამდე იცავდა.
