ავტორიზაცია
ოფიციალურად: პრემიერ ლიგიდან გამქრალი დანიელ სტარიჯი ახალ გუნდში გადავიდა
ინგლისის ეროვნული ნაკრების ყოფილმა თავდამსხმელმა, დანიელ სტარიჯმა "პერტ გლორისთან" გააფორმა კონტრაქტი.
32 წლის ფეხბურთელის დამატება ავსტრალიურმა კლუბმა უკვე ოფიციალურად დაადასტურა.
სტარიჯმა, რომელიც აქამდე თავისუფალი აგენტი იყო, ახალ გუნდთან 2022 წლის 30 ივნისამდე გათვლილ კონტრაქტს მოაწერა ხელი.
გამოცდილი ფორვარდის ბოლო კლუბი თურქული "ტრაბზონსპორი" გახლდათ, სადაც 2019 წლის აგვისტოდან 2020 წლის მარტამდე ირიცხებოდა.
მოგეხსენებათ, კარიერის მანძილზე სტარიჯს ისეთი გუნდების ღირსება დაუცვია, როგორებიც "მანჩესტერ სიტი", "ჩელსი", "ლივერპული" და "ვესტ ბრომვიჩი" არიან.
