რუბინი ოქროს ბურთის პრეტენდენტთა შორის ხვიჩა კვარაცხელიას მოხვედრას გამოეხმაურა

ყაზანის "რუბინის" პრესსამსახური "ოქროს ბურთის" პრეტენდენტთა შორის ხვიჩა კვარაცხელიას მოხვედრას გამოეხმაურა.

„ხვიჩა კვარაცხელია მსოფლიო ფეხბურთის მთავარი ინდივიდუალური ჯილდოს ოცდაათ ნომინანტს შორის მოხვდა. გილოცავთ, კვარა! - ნათქვამია კლუბის პრესსამსახურის განცხადებაში.

შეგახსენებთ, რომ დაჯილდოების ცერემონია 30 ოქტომბერს გაიმართება.

გასულ სეზონში ხვიჩამ სერია A-ში 34 მატჩი ჩაატარა, 12 გოლი გაიტანა და 10 საგოლე გადაცემა გააკეთა.